العليله تصبر نفسها لفراق ابيها الحسين عليه السلام


لاتبجين ياعين. باجر يرجع حسين
    واعدني يجي هو واخيه
     واعدني يجي هو واخيه

لاتبجين ياعين. اصبري على الفركه
ادري فراك الحنين. خله بكلبي حركه
مشتاكه يالعيون. ال ساعه الملكه

اصبري ولا تهلين. كطعتي الكلب نصين 
    وانه اتنطر حسين الشفيه 

اصبر الروح بالاه. واكول باجر يعود
واذا مارد عليه. يوفيلي بالوعود
يجي العباس عمي. والاكبر راعي الزود

ابوي الواعداني. ماضني نساني 
    وافراكه صعب كلش عليه

كافي من الدموع. اخافن تعمه عيني
اشوفن بيش الاحباب. لو باجر يجيني
اتلكاه من يعود. ويهود ونيني

ياعيني البواجي. على حلو المحاجي
      خل اصبرلمن يرد عليه

يمر يوم وبعد يوم. وانه انطرها الاحباب
ازحف زحف واوصل. واكعد يم الاعتاب
هسه يرد علينه. هسه يندك. الباب

هسه يرد ابويه. هسه يعود اخويه
    وانه محيره وعيني جريه

احس البيت ضلمه. وموحش من بعدهم
جانو زهوة البيت. لو طبو نزلهم
اهلنه شمعه الدار. وتضوي بمحلهم

فركاهم لواني. صوبني. ورماني،
   شوكت يرجع الي الغالي واخيه 

ام زينب السعداوي
ناصريه

تعليقات

المشاركات الشائعة من هذه المدونة

اجمل قصائد حسينية مكتوبة

قصيدة مثل طبع النسر طبعي مكتوبة

قصيدة براءة العشق مكتوبة