قصائد حسينية مكتوبة
يا اترف بشر وترف من الورده ونداها
يا طلبة علي من العلي رب العلي نطاها
طلبه ورادك الزينب كفاله
ولمن وصفك مدري شحجاله
ياقمر العشيره .. يالمنيه الجبيره
***********************
شفتك يابوفاضل عكس هالناس
ماشفتك اتنام بدرع والطاس
شفتك للترافه منبع وساس
شفتك ياخو زينب تتضح احساس
ياكافل الحره والكفل مو بس كلافه
يالبيك انت كلشي مكتمل حتى الترافه
وربك من علي مارد سؤاله
ولمن وصفك مدري شحجاله
ياقمر العشيره.... يالمنيه الجبيره
**********************
حيدر من طلب ماطلب اي شي
راد من الله ينطيه كمر يمشي
كونه بقوتي وبترف رمشي
ربك كله اخذ عباس كلشي
ياجامع الدنيا ومحتواهه بلايا جفين
يالشايل الكون بعين وحده وسهم بالعين
كامل راد من الله كماله
لمن وصفك مدري شحجاله
ياقمر العشيره..يالمنيه الجبيره
********************
الجمال الشايله ماشايله انسان
اتذوب الدنيا كلهه بطرف الردان
لو ما حيدره جا صار الاذان
اشهد بالولايه الكمر عدنان
يالبيك الشجاعه من علي وحنية حسين
يامنبع وفه من الوفه من ام الينين
وجهك ساحر الدنيا بجماله
ولمن وصفك مدري شحجاله
*********************
لو لامس اشفاك الماي جا صار
بقبض ارواحهم عزريل يحتار
حيدر بالحرب ماحاجه يندار
انت بصلبه شايل ذو الفقار
يالجان ابن ملجم منتظر تولد ويطبره
لان ماجان يكدر يقترب وانت لبظهره
غيره ومرجله ورقه وبساله
لمن وصفك مدري شحجاله
*******************
ام يوسف دعت ربك ابونها
رادت مثل َحسنك كون ابنها
بيك الفرس تمشي بلا رسنها
وسفه عيونك اسهام العمنها
بعينونك سهم هذا السهم كل طوله ينشاف
اول مره اشوفا هيح واحد جسمه شفاف
طولك هيبتك ماكو مثاله
لمن وصفك مدري شحجاله
************************
(عقيل سلام الزيدي)
تعليقات
إرسال تعليق