قصيدة : يا زمن وين الأحباب
ايازمن وين الأحباب
والله مليت العتاب
يمته نشتم التراب
🔹◾🔹◾🔹◾🔹
لیش الي نحبهم نصير أبعاد عنهم
يازمن والله كفر تحرمنه منهم
ملت أحجاراتهم من كثر ونهم
ياحسافه عاشوا ألغربه أبوطنهم
أمنيه بخاطري تدور~بس أقبل هالگبور
أوگف ودمعي سچاب..يازمن وين الاحباب...
🔹◾🔹◾🔹◾🔹
یازمن أحبابنه جرحوا گلبهم
وبگبرهم هدموا عليهم گببهم
والله لوتدري شكثر گلبي يحبهم
تسوه عمري يازمن شمة تربهم
گلبي ناداهم بصوت
ألفرگه أصعب من الموت
راسي من الهضم...يازمن وين الاحباب
🔹◾🔹◾🔹◾🔹
يازمن نحت ودفنت اﻷبتسامه
هذا ياليل أليمر اگدر أنامه
ريت گلبي ينذبح من الملامه
زحمه أسلم واﻷئمه بلا سلامه
للي سكنوا عيوني
بالله يانفسي هوني
جرحي ينزف ولا طاب.. يازمن وين الاحباب
🔹◾🔹◾🔹◾🔹
امفارگ ولیلي يذكرني بهجرهم
ما أنام وأگعد مگابل صورهم
الله لا ینطیك ظالم يادهرهم
ليش ممنوع أعله أي زاير يمرهم
والذي أمفارگ أیعیش
لو وصل ینمنع لیش
للغوالي القلب ذاب
🔹◾🔹◾🔹◾🔹
يازمن ليش أليجي وبدمعته يزور
بس يبوس التربه يسمع عابد اگبور
لیش متقدرون حال ألگلبه مکسور
شمایسوي أعله أليحبهم هذا معذور
ألعنده واحده فلا يهون
وأللي عنده أربعه شلون
أربعه صواب على صواب.. يازمن وين الاحباب
🔹◾🔹◾🔹◾🔹
ألليله خاف اطيح يمهم دمعه حمره
گول للصادق أجت تلطم ألزهره
وعله أبنها تنوح وألفاتحه تقره
تزوره وبماي ألورد تغسله گبره
تضوي شمعه بدمعها
بچفها تلزم ظلعها
والظلع بعده منصاب.. يازمن وين الاحباب
🔹◾🔹◾🔹◾🔹
الزمن مايسوه ألعتب عيشني غربه
زمن قاسي فارگ أبين اﻷحبه
ألمهدي أخر أمل ظل وبروحي أندبه
فرج اللهم بي عن ذوي ألقربه
من يرد غايه عندي
أصبح بجيشه جندي
سيفه من الأغراب.. يازمن وين الاحباب
🔹◾🔹◾🔹◾🔹
#✒للشاعر : كرار حيدر الخفاجي
تعليقات
إرسال تعليق