قصائد حسينية مكتوبة
مانسيتك يالحنين..ولاعفت طور الونين
بكلبي نيران الخيام.عيوني تبجيلك غرام
انته سالوفة حياتي وبيك اذوب
وجهك يلالي بصباحي وكل غروب
بابك يسدونه عني وما اتوب
لكربلا اعلى عيوني امشي وعالهدوب
اطير روحي ويه الحمام..عيوني تبجيلك غرام
يامرض ياموت بيك وانته طب
حسين شابجك معقم ماتأذيه المحب
اطهر الزاير حظرتك كل ذنوبه تنسلب
اليزورك زار الله بالسمه هم ينحسب
الله يهديله السلام.عيوني تبجيلك غرام
من وصلت لكربلا حسيت بيك
ترحب بزوارك الكبلت عليك
تمسح دموع البجوا بثنين اديك
شبيها هاي الناس خافت ماتجيك
تفرغ الحضره حرام..عيوني تبجيلك غرام
بلطفك وعطفك عشت طول الزمان
انته بيه تعيش يارب الحنان
العاف دربك تيه وماله امان
باجر بيوم الحساب انته الضمان
يمك يضيع الكلام. عيوني تبجيلك غرام
سولفت وياك جلمه وبيها شكوه
كمت ادعي اعلى اليسد الدرب كوه
الشيعه صارت ماتجيك وهاي بلوه
كبل نحسب بأربعينك خطوه خطوه
دنيتي صارت ظلام..عيوني تبجيلك غرام
كريم الجياشي
تعليقات
إرسال تعليق