قصيدة عبدالله ما مذبوح مكتوبة
📝قصيدة: عبدالله ما مذبوح
🖋الشاعر: علي عماد السعدواي
🎙الرادود: أحمد الفتلاوي
بالخيمة لا تحچون وتفز الأحلام
عبدالله ما مذبوح من التعب نام
اسم الله وعلي يحضره...عن لا يفز نحره
⚫️⚫️⚫️⚫️⚫️
بعد أمه غفه من العطش تعبان
وانا العطشانة واعرف نومة العطشان
ما صدق عيوني النحر سالم جان
جا هوة الذبح مو حلو على الرضعان
شمسوي حتى يموت عبدالله يا ناس
وانه امه ما خليه بالنسمة ينجاس
في واقعد ابكترة...عن لا يفز نحره
⚫️⚫️⚫️⚫️⚫️
أصيحن سكتة ظلوا لا يلجمه الصوت
يمه الوالدة اليفزع حضنها تموت
زغير اعله الوجع والموت والتابوت
احجي وياي اكلهم من تون بسكوت
من نحرك اسمع صوت وبنحري احاجيك
واتمنه اصيرن ماي وأتبده وارويك
مخنوكة بالعبرة...عن لا يفز نحره
⚫️⚫️⚫️⚫️⚫️
وصيت الأطفال بهيدة من يحجون
تره عبدالله نايم خاف ما يدرون
وداعة ريحتك صحت احجي مدري شلون
تيهت الفكر بعدك يالزغيرون
أم وابنها يروح شتسوي اليروح
للشم رقبتك هاي مو مللة جروح
إسم الله والزهرة...عن لا يفز نحره
⚫️⚫️⚫️⚫️⚫️
حاجيني اشگلت بالسهم من صابوك
وجم يمه صحت يوليدي من ذبحوك
خذوك ابلايه ماي ابلا نحر جابوك
جا يمن اشعجب قرآن ما شافوك؟
ليهم رحت عطشان يمعطش العين
يابس مثل ما صار بلسان الحسين
من ضمك الصدره...عن لا يفز نحره
⚫️⚫️⚫️⚫️⚫️
بالله شيقضي ليلي ولا ولد لا حيل
الفاقد له عزيز شلون يغف الليل
مهدك والسهم والذكريات اتعيل
بيه و روحي مو دمعي اعله خدي ايسيل
اشكد خطني سهام بس نحرك يصيب
حتى المهد مجروح شنحطله ويطيب
اتنفس بكتره...عن لا يفز نحره
تعليقات
إرسال تعليق