(قمبر يخاطب الإمام علي عليه السلام بعد اسشهاده)
سيدي علي.. لو لم تكن لي سيداً
سيدي علي... لما عرفتُ محمداً
شمس الدُجى وسط الكفن
ياسيدي يابا الحسن
حبيبي
@@@@@@@
انه قمبر ياامامي....... بيك صار الاسمي صيت
خلصتني من الضلاله.. بلحضه يم شمسك اجيت
ليش وبلحضه اهجرتني.. يالچنت لحساسي بيت
دورت شمس التشبهك.... وانسه واجهك مالگيت
منين اجيبه... اليشبه اعيونك يغالي
منين اجيبه... ياشمس نص الليالي
سيدي علي... يامفرعي في كُربتي
سيدي علي.. يامؤنسي في وحشتي
روح الحياه انت اذن
ياسيدي يابا الحسن
@@@@@@@@@@@@@@@
چنت خادم يم عتبتك... وصاير بجالك امير
واغنه من كل ملك انه... لچن مااملك حصير
الفقير الما يخدمك...... هوه هذا اكبر فقير
وهسه تاليتي بغيابك... ضايع ومامن مجير
انت ابوي... وانته كل حلوه بحياتي
انت ابوي... اول واغلا امنياتي
سيدي علي... متى فُراقك ينجلي
سيدي علي...ونورُ وجهك يعتلي
وتنجلي كلُ المحن
ياسيدي يابا الحسن
حبيبي
@@@@@@@@@@@@@@
مااشوفك يعني اعمه... الدنيا كلها بعيني هيمه
يلچنت واحه بصحاري... وللغريب تصير خيمه
هسه تاهت كلها عگبك... وحته دنيانه يتيمه
نكسر الخاطر بدونك... سيدي والله هضيمه
بلا ضواك... حته شمس الله فقيره
بلا ضواك...عميت اعيون البصيره
سيدي علي... روحي بشوق ٍ تنزفُ
سيدي علي... عيني بدمّاً تذرفُ
نور السما كيف اندفن
ياسيدي يابا الحسن
حبيبي
@@@@@@@@@
وين ماالگه اليتامه.... اركض اسألها اعله اسمك
گلي مامرك ولينه... بيك عطره خل اشمك
وين اجاك أوين شفته... گلي گلي شلونه حلمك
بلله سولفلي اعله وجهه... شلون بين اضلوعه ضمك
بلله گلي... شگتله وشگلك عليه
بلله گلي... شوكت توصلني المنيه
سيدي علي... خُذني إليك سيدي
سيدي علي...يامالكي وسَندي
يامن لروحي موطنن
ياسيدي يابا الحسن
حبيبي
@@@@@@@@@@@@
دورت كل الليالي.... نجمه نجمه اسألهه عنك
وين ادروك وين اشوفك...گلبي بارد وينه حضنك
ارحم اگلوب اليتامه.... لسه يبچي عليك ابنك
من چنت طايح بنصهم.. لسه بيهم صوت وونك
وين اشوفك.. عمري خللص بس اتاني
وين اشوفك.. سيدي لو بس ثواني
سيدي علي... ألم الفُراق اجنني
سيدي علي... يااملي وموطني
ابكيك مادام الزمن
ياسيدي يابا الحسن
حبيبي
@@@@@@@@@@
بكل غروب الگه عيالك... واگفه اعله الباب تنحب
الحسن وحسين ابعتبتك...او وره الباب تنوح زينب
عيونهم تنتضر جيه....... صعبه البيته ايتغرب
وهمه لسه أطفال وينك....ع الصغير الهجر يصعب
كل غروب... يكسر الخاطر بچيهم
كل غروب... شو يتانونك تجيهم
سيدي علي... فيهم فقد طال النحيب
سيدي علي...كيف بهم ان لم تجيب
ياوَيلهم والليلُ جن
ياسيدي يابا الحسن
حبيبي
@@@@@
سيد فيصل الشريفي
تعليقات
إرسال تعليق