استشهاد مولاي امير المومنين (ع) عن لسان مولاتي زينب (ع)
عن لسان مولاتي زينب ص
=====================================
محتاجتك اهوي
لا ترحل يبو الماي
ياهو اليبقه وياي
عگبك بويه عگبك
وداعآ ما اريد اسمعها من ثغرك
اخذ هاي السنين وحطهن لعمرك
عگب طولك يبويه ينفضح سرك
باچر ياهو الي بالطف
لو نهر الاهـل يـنشـف
وامشي بكسرة الخاطر
وبيدين العده اتچتف
يبويه ياهـو للـبـت غـيـر ابوها
وياهو اليـفـزع الـهه لو ولـوهـا
عگبك ياصدر اليضمني واشكيله
ضـل ولا تـخلي اسـمـع سبـوها
الوداع الوداع يا علي
__________
دمـعـي يأذي بـلروح
صوت البويه مجروح
دلالي گبالي مـذبـوح
وعين تشوف جرحك
ابفگدك ادري انه اشضاملي باچـر
وراي اشگد ركض بسوايت العاشر
وره بتـك بـچي وللخايف اتنـاطر
رسمك كحلتي بعيني
ابطولك بويه دليني
ابدونك بيش اشوفن
احيرن لا تخليني
شيـفـيـد النـظـر للفاگد اعـيونه
وشني نفع العمر واهله يتركونه
شلون يعيش مرتاح اليفارگهم
الما يحمل بعدهم لو يجافونه
الواداع يا علي
__________
زينب جاي احاجيك
تحبني بويه وادريك
مو من تالي اجافيك
هايه اعلي جـديـده
انه الما عيش لو لحضه عله غيابك
اشلون اتعود واحمل تره امـصـابك
واصبري ادري راح اسمع انه اجوابك
الـزغـيـره اوفـارگتهه
والـتـحـبـهه و دللتهه
ليش اتعوفها اوحيده
شبذر منهه وعـفـتـهه
ياهو ايداري عگبك هاي اليـتـيمـه
يابويه عله بختك ضل علي خيمه
اليبقه ابلا ابوه المن يضل يشـكـي
وبين الـنـاس مـا تبـقـه اله قـيـمـه
الوداع يا علي
_______________
ياهو ايـضـلي دونك
اموت بفرگت عيونك
الشايلني عله امتونك
ليش اتعوفني علگاع
اصبر بخوتي مدري اهمه صبروني
بلا ام وابو ومـن زغـري عـيرونـي
ويتيمه ابقه انه اشما يضحـكـوني
وني بـيـه گام ايـطول
صعب يابچيت المدلول
اتـئـذه يـبـويـه اهـواي
اذا بسمك دليل يـگـول
اضل بالبيت اشمن ابقه بلحيطان
لان ريحتك بيهه يا احن انسـان
اشبگ هدمك واگعد آون بهـداي
لا يسمعني جاري واجرح الخوان
الوداع يا علي
___
خادم الزهراء ص
ابو فضه الحميداوي
تعليقات
إرسال تعليق