اجمل قصيدة عن الامام المهدي(عج)
الى مولاي صاحب العصر والزمان(عج)
ياشوگي وامالي يا واهس الليل
جاس الهضم روحي منك ردت حيل
عجل تره فراكك راوانه بس ويل
من اذكر اغيابك بس دمعتي تسيل
يا اجمل ولي
سامع من هلي
عشگي الاولي.... يامهدي
يادمعي والامي وبحبك جنون
——-———————————————
چم حسره بجروحي لو مره انساك
انه ردت روحي تاخذهه ووياك
ضايع انا ورايد تاخذني بهواك
ياسيد دخيلك كلحنه بحماك
بگلبي منطبع
يلنورك يشع
منتضرك دمع....يامهدي
يادمعي والامي وبحبك جنون
——————————————————
ثار الله يامهدي يلبيدك الثار
خليهه عدوانك بلشرده تحتار
راويهم الغيره من تلتهب نار
وبس غيره الكافل خليهه تذكار
عدوانك تفر
يل بيدك امر
رايات النصر....يامهدي
يادمعي والامي وبحبك جنون
——————————————————
هم تنگضي الغيبه وتشوفك العين
وتتعنه انصارك وتزور الحسين
كلحنه خدامك ياقائد الدين
يم سيفك الباشط تكضي السلاطين
ننتضرك تمر
وتگحل النضر
موتنه السهر.....يامهدي
يادمعي والامي وبحبك جنون
——————————————————
خادم الزهراء ص
✍️محسن الباوي
——————————————–––––––––
تعليقات
إرسال تعليق