لكل واحد مشتاق لزيارة الامام الحسين(ع)
[لكل واحد مشتاگ لزيارة الحسين (ع)]
مشتاگ الك ....
ما علمتني عل الهجر
مشتاك الك ...
بيه انگطع خيط الصبر
مشتاگ الك....
موثوبي ابطي وما أمر .... حسيييين
حتى بمنامي هم احچي بيك
مو بيدي گلبي اتعلم عليك
هاي حياتي كل يومي هاذ
لا ما اعوفك خيري منديك
قربني ليك..انه ارتجيك...بس العشگ انه افتهم
گلبي تله.. بس كربله.. هذا الحچي وغيره عدم
دمعه عشگ..هيه الصدك..تحچي المشاعر بلخدم
حبيبي حسييييييييين.....
_____________________________________
ارد اوصلك...
وبچي الدمع كله المضه
ارد اوصلك...
هنياله لي بدربك حضه
ارد اوصلك...
ضيم الهجر گلبي گضه .....حسيييين
ماعندي غيرك مو چلمه هاي
مولاي احبك وانه بصبااي
چاااااا غير اموتن لو ابتعد
مو طبعي ولله يبقى نداي
انته طحت.. لجلي حرت..لجلي تعطش اضعونك
حتى الطفل..يرگب هزل.. وانته غااارن اعيونك
فاگد وطن..بس الحزن... نايم بلترب لوووونك
حبيبي حسييييييييين...
_____________________________________
انته ملك...
وانه العبد اندب دخيلك
انته الملك...
احسب عمر لمن اجيلك
انته الملك...
هذا الگلب مايهوى غيرك .... حسيييييين
دلاني حبك ونطاني خير
وانته بغربتك وسفه تحير
كل هذا النه يابو الحنان
ياوسفه تالي لمك حصير
اجمل مكان..يحمل أمان.. مچانك انته ياغالي
حتى الهوه.. يم نينوى.. يغير كلشي من حالي
محد الي .. غيرك ولي .. احچي هوه يبرالي
حبيبي حسييييييييين.....
______________________________________
دمعاتي لك..
ما ينحمل ولله البعد
دمعاتي لك..
لبابك اباوع وبقه اصد
دمعاتي لك..
يمك حبيبي تنولد .......حسييييين
لا ما اعوفك لمن اااموت
وغير المجالس لا ما افوت
وبهاي اذني👂🏻بس انته اريد
وغيرك حبيبي ما يحلى صوت
بيك الكلام.. چنه خيام.. يحرگ گلب لي يحبك
ليش برمح.. صار الصبح.. ياويلي تعب گلبك
نام بترب.. كلش صعب.. وصار اعله رمح نحرك
حبيبي حسييييييييين......
_____________________________________
خادم الزهراء (ع)
✍️محسن الباوي
تعليقات
إرسال تعليق